Kang sinanggit sekar dandang gendis
Mung kinarya njumbuhake rasa
Rasa ing sanubarine
Riharas jroning kalbu
Manunggaling ati pakarti
Lathi pan jangkepira
Kang kinarya laku
Lakuning pakarti tama
Nora ngetang akehing budi utami
Pasrah maring kang kwasa
Wulan pasa tahunipun alip
Mangsa siji windune sangara
Kuruwelut nggih wukune
Sangalas papat pitu
Tanggal siji ing tahun jawi
Mahasiswa Gadjah Mada
Lumebet ing dusun
Dusun Puthon Girimulya
Cacah sapta kakung putri ingkang prapta
Nyawiji mring kawula
Kang sawiji putri Sala Vivi
Kang kapindo Wedar Purwakerta
Dene ingkang katelune
Ing Sukaharja Pramu
Kaping papat Adit lan Rani
Kekalih saking Yogya
Kalima puniku
Anggara Ngayogyakarta
Kang pungkasan Achda Jaten kang winarni
Sadaya mahasiswa
Pamintaku mring sira puniki
Wigatosna aywa ngantikemba
Mring sira kang disik dewe
Den bakuh ing pikukuh
Sregep srawung ja nganti lali
Asih maring sasama
Apan iku baku
Lamun benjang wus makarya
Ngati ati manah jujur sing taberi
Muga slamet slaminya
0 Komentar
POST A COMMENT